بطيء على الجوال
أغلب زوارك من الجوال. لو الصفحة تتأخر، يطلع قبل ما يشوف عرضك.
- الرئيسية
- تصميم المواقع والمتاجر
تصميم المواقع والمتاجر
تصميم موقع إلكتروني يشتغل كموظف مبيعات، مو كبروشور
موقعك أو متجرك هو المكان اللي يقرر فيه العميل. نصممه سريع على الجوال، واضح، وجاهز لجوجل، ومربوط بالواتساب والإعلانات وقياس النتائج من أول يوم. عشان تعرف كل زائر وش سوّى.
- مواقع شركات
- صفحات هبوط للإعلانات
- متاجر سلة وزد وShopify وووردبريس
- أدوات وأنظمة خاصة
رحلة عميلك: من أول ما يشوفك لين يشتري
- 1يشوفكالمحتوى والإعلانات توصلك للناس المناسبين.
- 2يفهمكالموقع يشرح عرضك في ثواني.
- 3يتواصل معكواتساب، اتصال، حجز، أو طلب. بضغطة.
- 4يصير عميلرد سريع ومتابعة منظمة لين يتم البيع.
- 5نقيس ونحسّننعرف وش جاب عملاء، ووش يحتاج تعديل.
وين تضيع الفرص
ليش أغلب المواقع ما تجيب عملاء؟
جميل بس ما يقول شي
تصميم حلو، بس الزائر ما يعرف بسرعة وش تقدم ولا كيف يطلب.
ما يطلع في جوجل
مبني بدون أساسيات السيو: عناوين، وسرعة، وصفحة لكل خدمة.
ما تعرف وش صار
ما فيه قياس. ما تعرف كم زائر ضغط واتساب، ولا أي إعلان جاب طلب.
وش نبني
أربعة أنواع، وكل واحد له هدف
موقع شركة
لشركات الخدمات اللي تحتاج ثقة: من أنتم، وش تقدمون، أعمالكم، وكيف يتواصل العميل.
- صفحة لكل خدمة (أفضل لجوجل)
- نماذج وحجز مواعيد
- لوحة تحكم عربية تعدّل منها بنفسك
صفحة هبوط للإعلانات
صفحة وحدة مركّزة على عرض واحد، تستقبل زوار الإعلان وتحوّلهم لتواصل.
- رسالة واحدة وزر واحد
- سريعة جدًا
- قياس كامل لكل حملة
متجر إلكتروني
على سلة أو زد أو Shopify أو ووردبريس، حسب حجمك وطريقة بيعك. نساعدك تختار المنصة المناسبة.
- صفحات منتجات تبيع
- الشحن والدفع والسياسات
- ربط بإعلانات Meta وجوجل
أدوات وأنظمة خاصة
حاسبة أسعار، أداة تشخيص، نظام حجز، لوحة متابعة. أي شي يخدم شغلك.
- مبنية على مقاس مشروعك
- تجمع بيانات العملاء بشكل منظم
- ممكن نضيف لها ذكاء اصطناعي
قبل ما تقرر
قالب جاهز ولا موقع مبني لك؟
ما كل مشروع يحتاج موقع مبني من الصفر. هذي مقارنة صريحة تساعدك تختار:
| قالب جاهز | متجر على منصة | موقع مبني لك | |
|---|---|---|---|
| مناسب لـ | بداية بسيطة بميزانية قليلة | البيع أونلاين بسرعة | شركة تحتاج ثقة وأدوات خاصة |
| السرعة | غالبًا ثقيل بإضافات ما تحتاجها | جيدة حسب المنصة | مبني خفيف من البداية |
| جوجل | تحتاج شغل إضافي | أساسيات جاهزة | كل صفحة مجهزة لكلمتها |
| القياس والواتساب | إضافات منفصلة | جزئي | مربوط بالكامل من أول يوم |
| التعديل | سهل بس محدود | سهل من لوحة المنصة | لوحة تحكم عربية على مقاسك |
من شغلنا
مواقع ومتاجر وأدوات بنيناها
لوحة تحكم ذكية لمتجر متعدد الفروع
متجر على Shopify له أكثر من فرع، وبياناته موزعة بين المتجر والإعلانات والسوشيال والمخزون.
وش سوينا: بنينا لوحة وحدة تجمع المبيعات والفروع والإعلانات والسوشيال والمنافسين والمخزون. الذكاء الاصطناعي يربط البيانات ببعض، ويحللها، ويطلع اقتراحات واضحة.
صاحب المتجر صار يشوف في ثواني معلومات ما كان يقدر يوصل لها قبل.
أدوات سور المجانية
أدوات يجربها أي صاحب مشروع بنفسه على موقعنا.
وش سوينا: بوصلة مشروعك وAI Opportunity Finder وأداة التشخيص ومولد عناوين جوجل وسحب أسعار المنافسين. كلها مبنية عندنا ومربوطة بلوحة واحدة.
شوفها بنفسك ←موقع سور ميديا
الموقع اللي أنت عليه الحين.
وش سوينا: ثيم وإضافة مبنيين من الصفر: سريع، عربي بالكامل، وله لوحة تحكم يتعدّل منها كل شي (الألوان، الأرقام، الباقات، SEO، التتبع، الحجوزات، والعملاء المحتملين).
شوفها بنفسك ←كيف نشتغل على موقعك
نشخّص، نبني، نشغّل، نحسّن
- 1نشخّص
نفهم عملاءك ووش يبحثون عنه، ونرسم صفحات الموقع ورحلة الزائر قبل أي تصميم.
- 2نبني
نصمم ونبني ونكتب المحتوى، ونربط الواتساب والنماذج وقياس النتائج والسيو.
- 3نشغّل
نطلق الموقع، والاستضافة والتحديثات والنسخ الاحتياطي عندنا.
- 4نحسّن
نراجع وش يسوي الزوار، ونحسّن الصفحات اللي يطلعون منها.
في كل موقع نسلّمه
أساسيات ما نتنازل عنها
سريع على الجوال
نبني من الجوال أول، ونقيس السرعة قبل التسليم.
عربي صح
اتجاه من اليمين، وخط واضح، وكلام يفهمه عميلك.
جاهز لجوجل
عنوان ووصف لكل صفحة، وخريطة موقع، وروابط مرتبة.
مربوط بالقياس
كل ضغطة واتساب واتصال ونموذج تنحسب في GA4.
استضافة عندنا، والتحكم عندك
الاستضافة والتحديثات والنسخ الاحتياطي علينا، والدومين بالاسم اللي تختاره، ودخول لوحة الموقع معك.
تعدّله بنفسك
لوحة تحكم واضحة للأشياء اللي تتغير كثير.
أسئلة تتكرر
أسئلة شائعة
كم تكلفة تصميم موقع إلكتروني؟
تعتمد على نوع الموقع وعدد الصفحات والأدوات المطلوبة. صفحة هبوط غير موقع شركة، وغير متجر فيه مئات المنتجات. بعد الاستشارة نعطيك سعر واضح ونطاق مكتوب، بدون مفاجآت.
كم ياخذ تصميم الموقع وقت؟
يعتمد على الحجم وجاهزية المحتوى. نعطيك جدول بمراحل واضحة قبل ما نبدأ، وأكثر شي يأخّر عادة هو تجهيز الصور والنصوص، فنساعدك فيها.
سلة ولا زد ولا Shopify ولا ووردبريس؟
نبني على كلها. سلة وزد ممتازين للبيع في السعودية بسرعة. Shopify أقوى لما تكبر وتحتاج تكاملات وفروع. ووردبريس للمواقع اللي تحتاج محتوى وأدوات خاصة، وللمتاجر اللي تبي تحكم كامل. نقترح لك حسب مشروعك، مو حسب اللي نفضله.
هل الموقع يطلع في جوجل؟
نبنيه جاهز لجوجل: سرعة، وعناوين، وصفحة لكل خدمة، وخريطة موقع. الترتيب نفسه ياخذ وقت ويعتمد على المحتوى والمنافسة، وما نوعدك بمركز معين.
تقدرون تطورون موقعي الحالي بدل ما نبنيه من جديد؟
نعم، ونراجعه أول. أحيانًا التعديل يكفي: سرعة، ورسالة أوضح، وربط بالواتساب والقياس. وأحيانًا البناء من جديد أوفر على المدى الطويل. نقول لك بصراحة.
مين يتكفل بالاستضافة والصيانة؟
إحنا. الاستضافة والتحديثات والنسخ الاحتياطي ومتابعة السرعة كلها عندنا، فما تحتاج تشيل همها. وأي تعديل تحتاجه، كلمنا.
لو وقفت التعامل معكم، وش يصير لموقعي؟
موقعك يبقى لك. الدومين نحجزه بالاسم اللي تختاره، وتستلم اسم المستخدم وكلمة المرور حق لوحة ووردبريس، وتقدر تعدّل أي شي فيه. ولو حبيت بعدين تنقل الموقع أو الدومين لاستضافة ثانية، نفتحه لك وتنقله عادي.
صفحات تفيدك
عندك فكرة موقع أو متجر؟
خلنا نسمعها. في الاستشارة المجانية نحدد نوع الموقع المناسب، والمنصة، والصفحات، ونعطيك نطاق واضح.